داعش سنه = داعش؟
by
رعد دكالي
·
داعش سنه گضيناها بالهَم والقهر
شفنا فيها الضّيم والحرمان والفقر
صبرنا هوايه وماظل بينا صبر
داعش سنه شفنا النجوم بعز الظهر
؟؟؟؟؟؟؟؟؟؟
رضيينا بالتفجيرات والمفخخات
وصار شي عادي الاحزمة والعبوات
عفنا المَي والكهرباء وكل الخدمات
تركنا بيوتنا وقبلنا بالخيم والجملونات
نسينا شهاداتنا وجزنا من التعيينات
د نبيع جگاير بالشوارع و الجزرات
عفنا الملايين وحمدنا الله عل قليلات
تعودنا على الاهانات وجر الحصرات
مع هذا چنا نگول اليوم لو باچر تفرج؟
هذا الشهر لو اليجي تتغير الظروف؟
يمكن السنة الجايه تكون احسن؟
ولكــــــــــــــــــــــــــــــــــــــــــــن
بعد داعش سنه يجينا داعش؟؟؟؟؟
هاي ابد مو بالنا؟ولا مامفكرين بيها؟؟
بعد كل هذا الضيم؟؟؟يجينا داعش
معقوله؟معقوله ياناس؟
ياعالم داعش في بلدنا
داعش في محافظاتنا ومدننا
داعش دخل بيوتنا؟انتهك اعراضنا
مقدساتنا واماكن عبادتنا؟
؟؟؟؟؟؟؟؟؟؟
ياناس يا عالم؟فهمونا منو هذا داعش؟
يعني شلون راح العراق ؟
راح نبقى تحت رحمة الدواعش؟
معقوله يبقى بلدنا ألهم؟
ضاع الأمل؟انتهى كل شي؟
يعني بعد مانحلم نرجع لبدنا؟
مكتوب علينا الضيم
مدري نضحك مدري نبچي
ماظل عدنا شي خلص حتى الحَچي
والنهاية اتركها ألكم
والله يحمي العراق والعراقيين
رعد دگالي/حزيران 2014
أحسنت وبارك الله فيك أخي العزيز
السيد لؤي فرنسيس المحترم، أؤيد الاخوة اعلاه واريد اضافة شيء الا وهو ان منطقة سهل نينوى التي يكثر فيها المسيحيين…
الأعزاء أودا و فرج اسمرو المحترمين نعزيكم بوفاة المرحومة المغفور لها شقيقتكم إلى الأخدار السماوية، أسكنها الله فسيح جناته الرحمة…
الراحة الابدية اعطها يا رب و نورك الدائم فليشرق عليها. الله يرحم خلتي مكو الانسانة المحبة طيبة القلب. مثواها الجنة…
Beautiful celebration Congratulations! May God bless Oscar and bless his parents and all the family and relatives